Спорттық-бұқаралық іс-шаралардың күнтізбелік жоспарына сәйкес республикалық және халықаралық жарыстарға қатысып, Батыс Қазақстан облысының спортшылары 2019 жылдың қаңтар айында келесі нәтижелерге қол жеткізді:

Батыс Қазақстан облысының құрамасы Щучинск қаласында өткен баскетболдан 2005-2006 ж.т. қыздар арасындағы Қазақстан Республикасының чемпионатында 2 орынды иеленді (14-21.01.2019 ж.).

Батыс Қазақстан облысының құрамасы Щучинск қаласында өткен баскетболдан 2005-2006 ж.т. ұлдар арасындағы Қазақстан Республикасының чемпионатында 3 орынды жеңіп алды (07-13.01.2019 ж.).

Исламхан Дәулетов жүзуден 2004 ж.т. жасөспірімдер арасындағы Қазақстан Республикасының чемпионатында көпсайыстың нәтижесі бойынша 3 орынды қанжығасына байлады (Қостанай, 07-11.02.2019 ж.)

Айдос Кенжигулов үстел теннисінен Қазақстан Республикасының ұлттық құрамасына іріктеу турнирінде 2 орынды, Гүлчехра Хусейнова 1 орынды иеленді (Алматы, 10-13.01.2019 ж.).

Айдос Кенжигулов үстел теннисінен ТОП-12 мықтылар турнирінде 2 орынды жеңіп алды (Алматы, 17-19.01.2019 ж.).

Қала тұрғындары және қала қонақтары!

Баршаңызды 2019 жылдың 23 ақпан күні «Этнодеревня» алаңында (Есенжанов және Шолоxов көшелерінің қиылысы айналмасы аумағы) өтетін көпшілік шаңғымен жүгіруге шақырамыз!

Басталуы сағат 11:00!

Қымбатты достар, демалыс күндеріңізді белсенді де денсаулығыңызға пайдалы өткізу мүмкіндіктерін жіберіп алмаңыздар!

Келіңіздер, жарыстың барлық қатысушыларын көтеріңкі көңіл-күй мен жағымды эмоциялар күтеді.

Анықтама телефоны: 51-21-92. Орал қаласының дене шынықтыру және спорт бөлімі.

16-17 ақпан күндері Жаңақала мектеп-гимназиясында спорт ардагері, облыстық жарыстардың бірнеше мәрте жеңімпазы, Мұратов Хайрат Мұратұлының 70 жасқа толуына орай тоғызқұмалақтан жекелей аудандық ашық турнир оздырылды.

Дүбірі алыстан естілген ақыл-ой додасын Жаңақала аудандық мәдениет, тілдерді дамыту, дене шынықтыру және спорт бөлімінің қолдауымен, жаңадан құрылған аудандық «Jastar» спорт клубы ұйымдастырды. Жасөспірім ұлдар мен қыздар арасында өткен жарысқа Орал қаласынан, Ақжайық, Бәйтерек, Бөкей ордасы, Бөрлі, Қазталов, Сырым, Қаратөбе аудандарынан және Мәстексай, Пятимар, Жуалыой, Жаңақала ауылынан 16 команда сапында 140-тан астам спортшы қатысты.

Турнирдің ашылу салтанатында аудан әкімінің орынбасары Жасұлан Нұрғожин мерейтой иесі Хайрат Мұратұлын мерейлі жасымен құттықтап, ізгі лебізін білдірді. Сондай-ақ, ол республикалық «Спорт жұлдыздары» ғылыми-әдістемелік журналының бас редакторының №39-ші бұйрығымен берілген «Спорт ардагері» төсбелгісі мен аудан әкімі Н.Қарағойшиннің атынан алғысхат табыстап, спорт саңлағының иығына шапан жапты. Жарысқа қатысушы жас спортшыларға сәттілік тіледі. Одан әрі тоғызқұмалақтан Батыс Қазақстан облысының аға жаттықтырушысы, БҚО тоғызқұмалақ федерациясының атқарушы директоры Дәулет Ұзаққалиұлы облыстық тоғызқұмалақ федерациясы басшысы атынан Хайрат Мұратұлына алғысхат табыстады. Және де 2018 жылы Батыс Қазақстан облысы бойынша 12 ауданнан оқ бойы озық шығып, тоғызқұмалақ ойыны бойынша «Ең үздік аудан» атанған Жаңақала ауданын арнайы дипломмен марапаттады. Мұнан кейін аудандық балалар-жасөспірімдер спорт мектебінің директоры Жайсаң Ахметұлы еңбегі ерен спорт ардагері Х.Мұратұлының деніне саулық тілей отырып, алғысхат пен естелік сый-сияпат табыс етті. Бұдан соң ардагер ұстаз, Бөрлі ауданының аға жаттықтырушысы Айтпай Тастайбеков пен жарыстың бас төрешісі, танымал жаттықтырушы Қайрат Шаутенов сөз алып, Хайрат Мұратұлының өмірі өнеге, еңбегі үлгі екенін, ұлттық ойынымыз тоғызқұмалақтың дамуына өлшеусіз үлес қосқанын айтып, ақ тілектерін жаудырды.

Турнир барысында ауданымыздың жас әншісі Еркебұлан Құмар «Мен қазақпын» әнін әуелете шырқаса, «Нұрбибі» би ансамблінің кіші тобы «Қазақ биін» биледі.

Мұнан кейін жарыс бірден басталып кетті...

Екі күнге созылған турнир өте-мөте тартысты болды. Жарыс қорытындысында 4 алтын, 6 күміс, 7 қола жүлдені иеленген жаңақалалықтар жалпы командалық есепте бас жүлдені жеңіп алды. 2 алтын, 1 қола жүлдені еншілеген Жуалыой ауылының командасы 2 орынды олжаласа, 1 алтын, 2 қола жүлдеге иелік еткен №1 ЖОББМ командасы (Орал қаласы) 3 орынды місе тұтты.

Жарыс жеңімпаздары мен жүлдегерлері арнайы дипломдармен, естелік сыйлықтармен марапатталды.

рисунок

2019 жылдың 14 – 18 ақпан күндері Ақтау қаласында өткен самбо күресінен 2001-2002 ж.т. жасөспірім ұлдар мен қыздар арасындағы Қазақстан Республикасының чемпионатында жерлесіміз, Сырым ауданы Қоңыр (Жосалы) ауылының тумасы, Алматы қаласындағы Қазақ спорт және туризм академиясының І курс студенті Ерболатов Құсайын 70 келі салмақ дәрежесінде қола жүлдені жеңіп алды. Жеңіс құтты болсын!

21 02 19 news 1

Жарысқа 8 облыстан 200 спортшы қатысты (Астана, Алматы, Шымкент қалалары, Алматы, Ақмола, Павлодар, Қарағанды және Батыс Қазақстан облыстары).
БҚО спортшыларының өнер көрсету нәтижелері:
М-4 жаттығуы(18 + 18 метр): Жеке:
Мұстафин Алихан-2 орын
Костин Артем-3 орын
Ильясова Алина-2 орын
Баннова Анастасия-3 орын
Құсайын Талшын-3 орын
Сагутдинов Шамиль - 2 орын
Жамилова Альбина-3 орын
М-3 Жаттығуы (25+25 Метр) жеке:
Костин Артем-1 орын
Баннова Анастасия-3 орын
Құсайын Талшын-2 орын
Сагутдинов Шамиль - 2 орын
Сорокин Владимир-3 орын
Жамилова Альбина - 1 орын
Жаттығу: Олимпиада шеңбері жеке:
Костин Артем-1 орын
Мустафин Алихан-3 орын
Ильясова Алина-1 орын
Баннова Анастасия-3 орын
Құсайын Талшын-1 орын
Сагутдинов Шамиль - 1 орын
командалық сынақ:
ерлер құрамы:
Ковалев И. - 3 орын
Нұғман С. - 3 орын
Нұрмаханбет А. - 3 орын
Қуанышқалиев М. - 3 орын
әйелдер құрамы:
Ильясова А.- 2 орын
Баннова А.- 2 орын
Волобуева А. - 2 орын
ерлер компаунд:
Солодовников К.- 3 орын
Қуанышқали Г.- 3 орын
Кайнолла А. - 3 орын
жасөспірімдер командасы:
Мустафин А.- 1 орын
Костин А. - 1 орын
Ткаченко Т. - 1 орын
Саткан Б.- 1 орын
компаунд жасөспірімдер:
Сагутдинов Ш. - 1 орын
Сорокин В. - 1 орын
Силичев А. - 1 орын
Mix ересектер:
Нұғман С. - 3 орын
Ильясова А. - 3 орын
mix компаунд жасөспірімдер:
Жамилова А. - 1 орын
Сағутдинов Ш. - 1 орын
Бірінші рет норматив орындағандар:
ҚР Халықаралық дәрежедегі спорт шебері дәрежесін Жамилова Альбина және ҚР спорт шебері дәрежесін Силичев Алексей орындады
Жаттықтырушылар: А. Плотникова, А. Солодовников, Ю. Тян, В. Шкоков,

рисунок